Өмнөговь аймгийн 7-р сургуулийн хамт олон Азийн наадамд оролцох эрхээр шагнууллаа

2018 оны 05 сарын 16

Монголын үндэсний олимпийн хороо, МУ-ын Олимпийн академиас зохион байгуулсан "Олимпизм ба бие бялдрын хүмүүжил" сэдэвт болзолт уралдаанд хот, хөдөөгийн 700 гаруй ЕБС оролцсоноос Өмнөговь аймгийн Даланзадгад хотын Төрөлжсөн сургалттай биеийн тамир спортын 7 дугаар дунд сургууль 2 дугаар байр эзэлж, тус сургуулийн удирдлага Индонез улсын Чакарта хотод болох Азийн наадамд оролцох эрхээр шагнууллаа.

Өмнөговь аймгийн 7 дугаар сургууль нь болзолт уралдааны хүрээнд олимпийн боловсрол олгох, олимпизмийн үзэл санааг түгээн дэлгэрүүлэх, хэрэглүүр болгох зорилгоор тамирчин сурагчдын бие бялдрыг хөгжүүлэх, ололт амжилтыг дээшлүүлэх, хүний нөөц, боловсон хүчнээ чадавхижуулах, материаллаг баазаа бэхжүүлэх, тамирчдыг алдаршуулах, нийтийн биеийн тамир спортыг дэмжих чиглэлээр тус тус 5 дэд хөтөлбөр боловсруулж, 68 үйл ажиллагааг төлөвлөн, амжилттай хэрэгжүүлсэн байна. Энэ оны байдлаар тус сургуулийн тамирчин сурагчид улс, олон улс, дэлхийн чанартай уралдаан тэмцээнээс спортын 8 төрлөөр 54 медаль хүртсэн амжилтыг үзүүлжээ.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд: