Монгол улсын Ерөнхий сайд Л.Оюун-Эрдэнэ говь нутгийн ард иргэдтэй уулзах уулзалт өнөөдөр Даланзадгад хотноо зохион байгуулагдана. Мөн энэ өдөр Даланзадгад хотод Шинжлэх ухаан, технологийн их сургуулийн салбар сургуулийн цогцолборын шавь тавих арга хэмжээ зохиогдож байгаа бөгөөд тус арга хэмжээнд Ерөнхий сайд Л. Оюун-Эрдэнэ, Боловсрол, шинжлэх ухааны сайд Л.Энх-Амгалан нар оролцлоо. ШУТИС-ийн салбар сургуулийг байгуулснаар говь нутагтаа геологи, уул уурхай, технологийн чиглэлийн мэргэжилтэн, инженерүүдийг бэлтгэх боломжтой боллоо.