Өмнөговь аймагт орчин үеийн шийдэл бүхий театрын барилгыг удахгүй ашиглалтанд оруулна.

Орон нутгийн төсвийн хөрөнгөөр барьж байгаа 850 хүний суудалтай, уг барилгыг энэ оны 10-р сарын 15-нд Улсын комисс ажиллаж хүлээн авна гэж аймгийн ЗДТГ-ын ОНХА-аас мэдээллээ. Даланзадгад хотын шинэ суурьшлын бүсэд сүндэрлэж байгаа энэхүү барилгыг 13 тэрбум төгрөгийн өртгөөр барихаар анх төлөвлөн эхлүүлж байсан билээ. Одоогийн ХЖТ-ын барилгыг 1959 оноос ашиглаж эхэлсэн байна. Мэргэжлийн байгууллагуудын дүгнэлтээр ашиглах боломжгүй болсон барилгад үйл ажиллагаа явуулж байгаа юм.